Bílpróf

NÁMSTÍMINN

Námskeiðin eru 4 kvöld, 22 kennslustundir, og skiptast í:

  • Ö1: 12 kennslustundir, kenndar á  þriðjudegi og miðvikudegi. Ökuskóli 1 kostar 18.500
  • Ö2: 10 kennslustundir, kenndar á  þriðjudegi og miðvikudegi. Ökuskóli 2 kostar 11.000

Kennt er frá kl. 17:00 til kl. 21:00 hvert kvöld.um_okuskolann
Mælst er til þess að ökunemar samþætti bóklegt og verklegt nám. Áður en í Ökuskóla 1 er komið þarf ökuneminn að hafa fundið sér ökukennara og farið í verklegan aksturstíma.
Námsefnið á hverju kvöldi er sjálfstætt, nemandinn getur mætt á tveimur mismunandi kvöldum. Þ.e. fyrst á þriðjudagskvöldi  og síðan á  miðvikudagskvöldi tveimur vikum síðar.

Nemendur eru beðnir um að muna eftir Ökunámsbókinni fyrir Ökuskóla 1 og Ökuskóla 2.

Ökukennari og nemandi ákveða sjálfir hvernig staðið er að fræðilegri kennslu í samræmi við verklega tíma.

Þátttöku á námskeiðin þarf að tilkynna áður en mætt er á námskeiðin. Nauðsynlegt er að mæta kl. 16:45 á þriðjudagskvöldum við upphaf Ö1 og Ö2.

Fyrir þá nemendur sem þurfa aukna aðstoð og læra á sínum hraða, er kennsla veitt af sérkennara alla þriðjudaga og fimmtudaga frá kl. 14:30 – 16:00.

Námið er í samvinnu við Fjölmennt símenntunar og þekkingar- miðstöð. Kennari er Anna F. Sigurðardóttir.

Nánari upplýsingar á skrifstofu Ökuskólans í síma 567 0300 eða senda fyrirspurn á mjodd@bilprof.is

Allur pakkinn B-réttindi:
– Bóklegt nám Ö1 og Ö2
– Verklegt nám Ö3
– Bóklegt próf hjá Frumherja
– Verklegt próf hjá Frumherja
– 15 tímar hjá ökukennara og 1 tími í prófi, samtals 16 tímar

Boðið er upp á frá 2-36 mánaða greiðsludreifingu.

KENNARAR

Kennarar á námskeiðum til B-réttinda eru:

  • Hreiðar P. Haraldsson, ökukennari
  • Lárus Wöhler, ökukennari
  • Petcharee Deluxsana
  • Stefanía Guðjónsdóttir, ökukennari
  • Wieslawa Vera Lupinska
  • Þorsteinn S. Karlsson, ökukennari
  • Anna F. Sigurðardóttir

Haldin verða námskeið fyrir ensku, pólsku- og tælenskumælandi þegar þátttaka er næg.

NÁMSEFNI, KENNSLUGÖGN OG NÁMSMAT

Á námskeiðunum er farið yfir umferðarlög og reglugerðir þeim tengd.

Notuð er kennslubókin Út í umferðina ásamt verkefnum á verkefnavef skólans.

Á lokadegi námskeiðsins taka nemendur fræðilegt próf til að meta námsárangur.

Nemendur fá aðgang að verkefna vef með æfingaverkefnum fyrir bóklegt próf hjá Frumherja.

HVENÆR HEFJAST NÁMSKEIÐIN?

Ö1 og Ö2 námskeiðin hefjast ávallt á þriðjudögum aðra hverja viku og eru haldin allt árið um kring. Breyting getur þó orðið á kennsludögum í kringum stórhátíðir og almenna frídaga.

Nauðsynlegt er að tilkynna þátttöku á námskeiðunum fyrirfram.
Einnig býður Ökuskólinn upp á helgarnámskeið.
Helgarnámskeiðin eru einu sinni í mánuði, kennt er frá kl 10 til kl. 14, bæði laugardag og sunnudag.
Skólinn áskilur sér rétt á að fella niður námskeið ef þátttakendur eru færri en fjórir.

SKRÁNING Á NÁMSKEIÐ

Þú getur skráð þig á námskeiðið með því að fylla út þetta bókunarform
Hringið og fáið nánari upplýsingar í síma 567-0300.
Skrifstofan er opin mánudaga til föstudaga, kl. 10:00-17:00.
Einnig er hægt að senda tölvupóst á mjodd@bilprof.is

Opnunartími á skrifstofu er mán - fim 10 - 17 og fös 10 - 16